Chundevi Mandir

बूढानीलकण्ठ नगरपालिका वडा नं १३ चुनिखेलको मध्य भागमा अवस्थित चुनदेवी मन्दिरको नामबाटै यो गाउँको नामकरण गरिएको छ। मन्दिरको गजुरमा उम्रिएको पीपलका जराले पूरै ढाकिएको मन्दिरमा देवीका प्रतिमूर्तिस्वरू ढुंगाका शिला राखिएका छन्‌ । गाई वा भैंसी ब्याएपछि पहिलो बिगौती दूध अनि चोखिएपछि पनि चुनदेवीलाई दूध चढाउने परम्परा रहेको छ। चुनदेवी दैनिक प्रातकालमा तल्लो टुसालमा अवस्थित पोखरीमा स्नान गर्न जाने गरेको किंवदन्ती पनि रहेको छ। यसको पूर्वमा पुतली डाँडा, पश्चिमा धोवी खोला, उत्तरमा वासिक गाउँ, दक्षिणमा कपन रहेको छ।

---