Budhanilkantha
Budhanilkantha
बूढानीलकण्ठ नगरपालिका वडा नं ११ मा रहेको कपन बंगलामुखी मन्दिर कलात्मक टुँडाल र तोरणले सुसज्जित देखिन्छ। मन्दिर छेउको रुद्राक्षको रुख र मूल प्रवेशद्वार बाहिर मन्दिरतिर मुख फर्काइएको हनुमानको मूर्ति रहेको छ। प्रवेशद्वारबाट भित्र गणेश र भैरवको मूर्तिले सजिएको घण्टी र धूपदानीसहितको खुला मन्दिर देखिन्छ । मन्दिरको मूलढोका अगाडि ठूलो घण्ट अनि स्तम्भमा बाघको प्रतिमा रहेको छ। पूर्वतर्फको भित्तामा भगवानका सबै अवतार र अन्य देवी देवताका प्रस्तर मूर्ति स्थापना गरिएकाले यस मन्दिरमा इच्छाअनुसार देवीदेवताको आराधना गर्न सकिन्छ । यसको पूर्वमा पैँयुटारा पश्चिम कपनटार, उत्तमा कपन गुम्बा, दक्षिण फैँका रहेको छ।
